DC GONDWE AFUNGUA MAFUNZO ELEKEZI KWA MADIWANI WAPYA

Posted on: January 14th, 2026

Mkuu wa Wilaya ya Singida, Godwin Gondwe, kwa niaba ya Mkuu wa Mkoa wa Singida, amefungua mafunzo elekezi ya siku tatu kwa Waheshimiwa Madiwani wa Manispaa ya Singida na Halmashauri ya Wilaya ya Singida (Singida DC .  Mafunzo hayo yanalenga kuwaimarisha madiwani hao katika utekelezaji wa majukumu yao ya kiuongozi kwa kipindi cha miaka mitano kuanzia 2025 hadi 2030.Mafunzo hayo yalianza jana, tarehe 13 Januari 2026, na yanafanyika katika ukumbi wa Ofisi ya Mkuu wa Mkoa wa Singida.

Washiriki wa mafunzo hayo ni madiwani wapya waliochaguliwa katika uchaguzi wa tarehe 29 Oktoba 2025. Kupitia mafunzo haya, wanatarajiwa kupata uelewa mpana kuhusu majukumu yao ya kisheria na kiutawala ili kuwawezesha kusimamia maendeleo ya kata zao kwa ufanisi katika kipindi chote cha uongozi wao.